വടക്കും നാഥനെ തൊഴുന്നത് എങ്ങനെ ?

വടക്കും നാഥനെ തൊഴുന്നത്  എങ്ങനെ ?
അനേകഭക്തരുടെ പ്രിയക്ഷേത്രമാണ് തൃശൂരിലെ
വടക്കുംനാഥൻ കേരളത്തിലെ
ഏറ്റവും വിസ്താരമേറിയ
മതില്ക്കെട്ടുള്ള
വടക്കുംനാഥക്ഷേത്രം 108
ശിവാലയസ്തോത്രത്തിലെ
പ്രഥമസ്ഥാനം
വഹിക്കുന്നതോടൊപ്പം തന്നെ
അതിനെ
ശ്രീമദ്ദക്ഷിണകൈലാസം
എന്നാണ്
വിശേഷിപ്പിച്ചിരിക്കുന്നത്.
ഒരുപക്ഷേ ഇത്രയും അധികം
ദേവതകളും പ്രതിഷ്ഠകളും ഉള്ള ഒരു
ക്ഷേത്രം കേരളത്തില് വേറെ
തിരുവഞ്ചികുളം മാത്രം.
ആദ്യമായി തൊഴാന് വരുന്നവര്ക്ക്
രീതികള് അല്പം
സങ്കീര്ണ്ണമായി തോന്നാം.
പ്രധാന ദേവതകള് വടക്കുംനാഥന്
( ശിവന് ) , പാർവ്വതി,
ശങ്കരനാരായണന് , ശ്രീരാമന്
എന്നിവയാണ്.
ഉപദേവതകള് :
——————-
ഗണപതി , നരസിംഹമൂര്ത്തി ,
ഗോശാലകൃഷ്ണന് , അയ്യപ്പന് ,
സിംഹോദരന് , പരശുരാമന് ,
നന്ദികേശ്വരന് ,
വാസുകീശയനശിവന് , നൃത്തനാഥന് ,
ഋഷഭന് , വേട്ടേക്കരന് ,
നാഗദൈവങ്ങള് , സുബ്രഹ്മണ്യന് ,
ഹനുമാന് , ആദിശങ്കരന് ,
കാശിവിശ്വനാഥന് ,
ചിദംബരനാഥന് , സേതുനാഥന് ,
ഊരകത്തമ്മ തിരുവടികള് ,
കൂടല്മാണിക്യസ്വാമി ,
കൊടുങ്ങല്ലൂരമ്മ , വേദവ്യാസന് ,
ദക്ഷിണാമൂര്ത്തി ,
പാറമേക്കാവിലമ്മ
വടക്കുംനാഥനില് തൊഴാന് ചില
രീതികള് ഉണ്ട്. ഇത്രയധികം
പ്രതിഷ്ഠകളും സങ്കല്പ്പങ്ങളും
ഉള്ള ക്ഷേത്രമായതിനാല്
പലര്ക്കും ഇവിടെ തൊഴേണ്ട
വിധമറിയില്ല. മാത്രമല്ല
മേല്പറഞ്ഞ ഉപദേവതകളില്
പലതിനും പ്രതിഷ്ഠകള് ഇല്ല എന്നത്
ശ്രദ്ധേയമാണ്. ചിലതിന് വിളക്ക്
വയ്പ്പും ആരാധനകളും മാത്രമേ
നടപ്പിലുള്ളൂ.
നരസിംഹമൂര്ത്തി ,
വാസുകീശയനശിവന് , നൃത്തനാഥന് ,
ഹനുമാന് എന്നീ ദേവതകള്ക്ക്
പ്രതിഷ്ഠകള്ക്ക് പകരം
ക്ഷേത്രത്തിലെ വിവിധ
ഭാഗങ്ങളില് സങ്കല്പങ്ങള്
ആണുള്ളത്. പാറമേക്കാവിലമ്മ
വടക്കുംനാഥന്റെ പുറത്ത് കിഴക്ക്
പ്രത്യേക ക്ഷേത്രത്തിലും
തൊഴേണ്ട വിധം – ചുറ്റമ്പലത്തിന്
പുറത്ത് നിന്നും തുടങ്ങണം
————————————————-
ശ്രീമൂലസ്ഥാനത്ത് തൊഴുത് പുറകെ
കലിശിലയെ തൊഴുതശേഷം
ഗോശാലകൃഷ്ണനെ തൊഴാം.
ശേഷം ഋഷഭനെ വന്ദിക്കാം.
ഋഷഭൻ എല്ലായെപ്പോഴും
ധ്യാനത്തിൽ ആയതിനാൽ കൈകൾ
കൊട്ടി ശബ്ദമുണ്ടാക്കി നമ്മുടെ
വസ്ത്രത്തിൽ നിന്നും ഒരു നൂലെടുത്ത്
വാതിലിൽ ഇട്ടിട്ടു വേണം
പ്രാര്ഥിക്കൻ.
തുടർന്ന് വടക്കേ നടയിലൂടെ അകത്തു
പ്രവേശിച്ച് വടക്കുംനാഥനെ
തൊഴാം. ശേഷം പടിഞ്ഞാറേ
നാലമ്പലത്തിൽ പോയി
നന്ദികേശ്വരൻ,
വാസുകീശയനശിവന് , നൃത്തനാഥന്
എന്നിവരെ തൊഴുതശേഷം
വീണ്ടും വടക്കുംനാഥനെ വന്ദിച്ച്
കിഴക്ക് നടയില്
പാർവ്വതിദേവിയെ തൊഴണം.
തുടര്ന്ന് ഗണപതിയെ തൊഴുത് ,
ശങ്കരനാരായണനെ തൊഴുത് ,
ശ്രീരാമനെ തൊഴുക. വീണ്ടും
വടക്കുംനാഥന് , പാർവ്വതി,
ഗണപതി , വടക്കുംനാഥൻ, പാർവ്വതി, ഗണപതി,  ശങ്കരനാരായണന്
ശ്രീരാമൻ വീണ്ടും  ശങ്കരനാരായണൻ, ശ്രീരാമൻ എന്നിവരെ തൊഴുതു വലതു വശത്തായി കിഴക്കോട്ട് തിരിഞ്ഞു നിന്ന് സൂര്യനമസക്കാരം ചെയ്ത് ശ്രീരാമസ്വാമിയുടെ നമസ്കാരമണ്ഡപത്തിനു പിന്നിലൂടെ പോയി തീർത്ഥവുംപ്രസാദവും വാങ്ങി വടക്ക് ഭാഗത്തു നിന്ന് വന്ന സ്ഥലത്തേക്ക് തന്നെ തിരിച്ച് ഇറങ്ങുക.
പുറത്തു കടന്നു പ്രദക്ഷിണം വച്ച്
വടക്ക് കിഴക്ക് ഭാഗത്ത് പോയി
പരശുരാമനെ തൊഴുതശേഷം
കിഴക്കുള്ള സിംഹോദരനെ
വന്ദിക്കണം. ശേഷം അവിടെ
തന്നെ നിന്നുകൊണ്ട് വടക്ക്
പടിഞ്ഞാറേ ഭാഗത്ത്
ത്രികോണാകൃതിയില് ഉള്ള
ദ്വാരത്തിലൂടെ വടക്കുംനാഥന്റെ
താഴികക്കുടം തൊഴണം.തിരിച്ച് നടക്കുമ്പോൾ സിംഹോദരനെ നോക്കരുത്.  പിന്നീട് കുറച്ച് മുന്നോട്ട് നടന്ന്
വടക്ക് കിഴക്കോട്ടു നിന്ന്
കാശിവിശ്വനാഥനെ തൊഴണം.
കാശിവിശ്വനാഥന് തന്നെയാണ്
വടക്കുംനാഥന് എന്നാണ് ഇവിടെ
സങ്കല്പം.
അതിനു ശേഷം വീണ്ടും
പ്രദക്ഷിണമായി നടന്ന്
തെക്കുകിഴക്ക് മൂലയിലെ തറയിൽ
കയറി നിന്ന് വടക്കോട്ട്
തിരിഞ്ഞു ചിദംബരനാഥനെയും
കിഴക്കോട്ടു തിരിഞ്ഞു
രാമേശ്വരം സേതുനാഥനെയും
തൊഴണം. ശേഷം
തെക്കേഗോപുരനടയിൽ വന്നു
തെക്കോട്ട് തിരിഞ്ഞു നിന്ന്
കൊടുങ്ങല്ലൂരമ്മയെ തൊഴണം. ഈ ഗോപുരം തൃശ്ശൂർ പൂരത്തിനും ശിവരാത്രിക്കും മാത്രമേ തുറക്കുകയുള്ളു.
പിന്നീട് തൊട്ടു
പടിഞ്ഞാറുള്ള തറയില് കയറി
തെക്ക് പടിഞ്ഞാറ് നിന്ന് ഊരകത്തമ്മയെയും, കൂടൽമാണിക്യം ഭരതസ്വാമിയെയു മനസ്സിൽ ധ്യാനിച്ച് തൊഴണം.
തുടർന്ന് വ്യാസശിലയിൽ
വേദവ്യാസനെ മനസ്സിൽ
ധ്യാനിച്ച് ഹരിശ്രീ ഗണപതയേ
നമ: എഴുതിയ ശേഷം മരച്ചുവട്ടിൽ
ഉള്ള ദക്ഷിണാമൂർത്തിയെ
നമിക്കണം. അതിനുശേഷം
അയ്യപ്പനെ തൊഴാം.
അയ്യപ്പനെ തൊഴുതാൽ അതിനു
പുറകിലുള്ള മൃതസഞ്ജീവനിത്തറയിൽ
പോവുക. അവിടെ ഹനുമാൻ
സ്വാമി ഉണ്ടെന്നാണ്
വിശ്വാസം. ഹനുമാനെ മനസ്സിൽ
വിചാരിച്ച ശേഷം എന്നും പൂവുള്ള
ചെടിയിലൽ നിന്ന് ഒരു പുഷ്പം
എടുത്ത് തലയിൽ സ്പർശിക്കണം.
അതിനു ശേഷം വേട്ടേക്കരനെ
തൊഴാൻ പോകണം. വേട്ടക്ക്
ഹരന് ( കിരാത മൂർത്തിയായ
ശിവന് ) എന്നും പറയും.
ശത്രുനാശത്തിനു നല്ലതായാണ്
കിരാതമൂർത്തിയെ
പ്രാർഥിക്കുന്നത് എന്നാണ്
വിശ്വാസം. വ്യാസശിലക്ക് മുമ്പ്
വേട്ടേക്കരനെ തൊഴുന്നവരും
ഉണ്ട്.
അതിനു ശേഷം നാഗപ്രതിഷ്ഠകള്
ആണ്. നാഗരാജാവിനെ തൊഴുത
ശേഷം ആദിശങ്കരനെ
തൊഴുതതിനു പുറമേ ശംഖചക്രവും
തൊഴുക. ചിലർ ആദിശങ്കരനെ
തൊഴുന്നതിന് മുമ്പ് ശംഖചക്രം
തൊഴുന്നവരും ഉണ്ട്.
ഇതുമുഴുവൻ എഴുതിയത് അതിന്റെ
സങ്കീർണ്ണതകളിലേക്ക് പോയി
പിരിമുറുക്കം ഉണ്ടാകാൻ
വേണ്ടിയല്ല. എങ്കിലും
ആദ്യമായോ മറ്റോ വരുന്നവർക്ക്
ഇവിടത്തെ രീതികൾ അറിയാൻ
ഉപകാരപ്പെടും എന്ന് കരുതിയാണ്.
അമ്പലത്തിനകത്ത് തൊഴേണ്ട
രീതികൾ ബോർഡിൽ
എഴുതിവച്ചിട്ടുണ്ടെങ്കിലും
പോകുന്ന വഴിയിൽ അത് മറക്കാൻ
സാധ്യതകൾ ഏറെയാണ്.
അതുകൊണ്ട് രീതികൾ നേരത്തെ
അറിഞ്ഞിരിക്കാൻ കൂടി
വേണ്ടിയാണ് വിശദമായി
പറഞ്ഞത്. ഒന്നുമില്ലെങ്കില് ,
അവിടയുള്ള ഭക്തരെ
അനുഗമിച്ചാലും
വടക്കുംനാഥനിലെ ദർശനം
ഏറെക്കുറെ മനസ്സിലാക്കാം
ന്റെ വടക്കുംനാഥ കാത്തോളണേ....
🕉🕉🕉🕉🕉🕉