ശ്രീ മീനാക്ഷീസ്തോത്രം

 ശ്രീ മീനാക്ഷീസ്തോത്രം
ശ്രീവിദ്യേ!  ശിവവാമഭാഗനിലയേ! ശ്രീരാജരാജാർച്ചിതേ!  ശ്രീനാഥാദിഗുരുസ്വരൂപവിഭവേ! ചിന്താമണീപീഠികേ! ശ്രീവാണീഗിരിജാനുതാഘ്രികമലേ ശ്രീശാംഭവീ! ശ്രീശിവേ!
മദ്ധ്യാഹ്നേ മലയദ്ധ്വജാധിപസുതേ മാം പാഹി മീനാംബികേ! – 1

ചക്രസ്ഥേ ചപലേ ചരാചരജഗന്നാഥേ ജഗത്പൂജിതേ
ആർത്താലീവരദേ   നതാഭയങ്കരേ വക്ഷോജഭാരാന്വിതേ
വിദ്യേ വേദകലാപമൗലിവിദിതേ വിദ്യുലതാവിഗ്രഹേ  
മാതഃ പൂർണ്ണസുധാരസാർദ്രഹൃദയേ മാം പാഹി മിനാംബികേ -2.

കോടീരാംഗദരത്നകുണ്ഡലധരേ കോദണ്ഡബാണാഞ്ചിതേ   കോകാകാരകുചദ്വയോപരിലസത്പ്രാലാംബഹാരാഞ്ചിതേ   ശുഞ്ജന്നൂപുരപാദസാരസമണിശ്രീപാദുകാലാംകൃതേ   മദ്ദാരിദ്ര്യഭുജംഗഗാരുഡഖഗേ മാം പാഹി മിനാംബികേ! -3.

ബ്രഹ്മേശാച്യുതഗിയമാനചരിതേ പ്രേതാസനാന്തഃസ്ഥിതേ പാശോദംകുശചാപബാണകലിതേ ബാലേന്ദുചൂഡാഞ്ചിതേ
ബാലേ ബാലകുരംഗലോലനയനേ ബാലാർക്കകോട്യുജ്ജ്വലേ മുദ്രാരാധിതദൈവതേ മുനിസുതേ മാം പാഹി  മിനാംബികേ! - 4.

ഗന്ധർവാമരയക്ഷപന്നഗനുതേ  ഗംഗാധരാലിംഗിതേ
ഗായത്രീ ഗരുഡാസനേ  കമലജേ സുശ്യാമളേ സുസ്ഥിരേ
ഖാതീതേ ഖലദാരുപാവകശിഖേ ഖദ്യോതകോട്യജ്ജ്വലേ
മന്ത്രാരാധിതദൈവതേ  മുനിസുതേ മാം പാഹി മിനാംബികേ! - 5.

നാദേ നാരദതുംബുരാദ്യവിനുതേ നാദാന്തനാദത്മികേ
നിത്യേ നീലലതാത്മികേ നിരുപമേ നീവാരശുകോപമേ  
കാന്തേ കാമകലേ കദംബനിലയേ കാമേശ്വരാങ്കസ്ഥിതേ
മദ്വിദ്യേ മദഭീഷ്ട്കല്പലതികേ മാം പാഹി മിനാംബികേ! - 6.

വീണാനാദനിമീലതാർദ്ധനയനേ വിസ്രസ്തചൂളീഭരേ  താംബൂലാരുണപല്ലവാധരയുതേ താടങ്കഹാരന്വിതേ
ശ്യാമേ  ചന്ദ്രകലാവതംസകലിതേ കസ്തൂരികാഫാലികേ
പൂർണ്ണേ പൂർണ്ണകലാഭിരാമവദനേ മാം പാഹി  മീനാംബികേ! -7.

ശബ്ദ്ബ്രഹ്മമയീ ചരാചരമയീ ജ്യോതിർമ്മയീ വാഗ്മയീ
നിത്യാനന്ദമയീ  നിരഞ്ജനമയീ തത്ത്വമയീ ചിന്മയീ
തത്ത്വാതീതമയീ  പരൽപരമയീ മായാമയീ ശ്രീമയീ
സർവൈശ്വര്യമയീ സദാശിവമയീ മാം പാഹി മീനാംബികേ! - 8.