ശനി മാറുന്നു, ഓരോ കൂറുകാരുടെയും ഫലം ഇതാ!

ശനി മാറുന്നു, ഓരോ കൂറുകാരുടെയും ഫലം ഇതാ!

2017 ജൂൺ 21നു ശനി ധനുരാശിയിൽ നിന്നു വൃശ്ചികം

രാശിയിലേക്കു മാറി ശനി വക്രത്തിൽ പ്രവേശിക്കുന്നു.

ഈ മാറ്റം 2017 ഒക്ടോബർ 26 വരെ.

മേടക്കൂറ് (അശ്വതി, ഭരണി, കാർത്തിക 1/4) ഈ കൂറുകാർക്ക് ശനി ചാരവശാൽ ‘8’ ലേക്കു തിരികെവരുന്നു. അതിനാൽ കാര്യതടസ്സം, ധനനഷ്ടം, മനഃക്ലേശം ഇവ അനുഭവപ്പെടാൻ ഇടയുണ്ട്.

ഇടവക്കൂറ് (കാർത്തിക, അവസാന 3/4, രോഹിണി, മകയിരം ആദ്യ 1/2) ഈ കൂറുകാർക്കു കണ്ടകശനി തിരികെ വരുന്നു. അതിനാൽ കാര്യതടസ്സം, ധനപരമായി തടസ്സങ്ങൾ, മനസ്സുഖക്കുറവ് ഇവ അനുഭവപ്പെടാം.

മീഥുനക്കൂറ് (മകയിരം അവസാന 1/2, തിരുവാതിര, പുണർതം ആദ്യ 3/4 ഇവർക്കു നിലവിലുള്ള കണ്ടകശനി ദോഷം മാ റുന്നു.

കർക്കടകക്കൂറ്  (പുണർതം അവസാന 1/4, പൂയം, ആയില്യം ) ഇവർക്കു കണ്ടകശനി, ഏഴരശനി ദോഷം ഇല്ല.

ചിങ്ങക്കൂറ്  ( മകം, പൂരം, ഉത്രത്തിൽ ആദ്യ 1/4 ) ഇവർക്കു കണ്ടകശനി ദോഷം കാണുന്നതിനാൽ കാര്യതടസ്സം, മനഃക്ലേശം, ധനപരമായ ബുദ്ധിമുട്ടുകൾ ഇവ അനുഭവപ്പെടാം.

കന്നിക്കൂറ് ( ഉത്രത്തിൽ അവസാന 3/4, അത്തം, ചിത്തിര ആദ്യ 1/2 ) ഇവർക്ക് ഉണ്ടായിരുന്ന കണ്ടകശനി ദോഷം മാറുന്നു.

തുലാക്കൂറ് (ചിത്തിര അവസാന 1/2, ചോതി, വിശാഖം ആദ്യ 3/4 ) ഈ കൂറുകാർക്ക് ഏഴരശനി താൽക്കാലികമായി തിരികെവരുന്നു. അതിനാൽ ഈ കാലയളവിൽ ധനപരമായും വാ ഹന ഉപയോഗത്തിലും കൂടുതൽ ശ്രദ്ധിക്കണം.

വൃശ്ചികക്കൂറ് (വിശാഖം അവസാന 1/4, അനിഴം, തൃക്കേട്ട) ഈ കൂറു കാർക്ക് ഏഴരശനിയുടെ മധ്യഭാഗം താൽക്കാലികമായി വരുന്നു. അതുകൊണ്ടു രോഗകാര്യത്തിലും ധനപരമായ കാര്യത്തിലും തൊഴിലിലും കൂടുതൽ ശ്രദ്ധിക്കണം.

ധനുക്കൂറ് ( മൂലം, പൂരാടം, ഉത്രാടം ആദ്യ 1/4 ) ഈ കൂറുകാർക്ക് ഏഴരശനിയുടെ ആദ്യഭാഗമായതിനാൽ നിലവിലുള്ള ദോഷത്തിന്റെ ശക്തി കുറയുന്നു.

മകരക്കൂറ്  ( ഉത്രാടം അവസാന 3/4, തിരുവോണം, അവിട്ടം ആദ്യ 1/2 ) ഇവർക്ക് ഉണ്ടായിരുന്ന ഏഴരശനിദോഷം താൽക്കാലികമായി മാറുന്നു.

കുംഭക്കൂറ് (അവിട്ടം അവസാന 1/2, ചതയം, പൂരുരുട്ടാതി ആദ്യ 3/4 ) ഈ കൂറുകാർക്കു കണ്ടകശനി ദോഷം താൽക്കാലികമായി വരുന്നു. അതുകൊണ്ട് അലസത, കാര്യതടസ്സം, മനസ്സുഖക്കുറവ്, വാഹനച്ചെലവ് ഇവ ഉണ്ടാകാം.

മീനക്കൂറ് (പൂരുരുട്ടാതി അവസാന 1/4, ഉത്രട്ടാതി, രേവതി ) ഇവർക്കു നിലവിലുണ്ടായിരുന്ന കണ്ടകശനി ദോഷം താൽക്കാലികമായി മാറുന്നു.

ശനിയുടെ പുറകോട്ടുള്ള മാറ്റം താൽക്കാലികമാണ്. 2017 October 26 വരെ. ശനിവക്രത്തിൽ ആയതിനാൽ മേൽപറഞ്ഞ ദോഷങ്ങളുടെ ശക്തി കുറയാമെന്നും പറയുന്നു.